Цæгат Ирыстоны сæйраг паддзахадон фæлварæнтæ истори, физикæ æмæ географийæ арæзт æрцыдысты æнæ къуылымпидзинæдтæй. Нæ республикæйы 9-æмкъласонтæ сæ радтой 14-æм июны.
Фæлварæнтæ саразынæн бацæттæ кодтой 10 сæрмагонд бынаты. Æдæппæтæй дзы архайдтой 812 адæймаджы. Уыдонæй физикæ радтой 19-æй, истори – 604 адæймаджы, географи та – 189. 25-æм июнæй та 2-æм июльмæ фæлварæнтæ дæтдзысты, сæйраг бон сæм алыхуызон аххосæгтæм гæсгæ чи нæ бахауд, стæй æвзæр бæрæггæнæнтæ иу кæнæ дыууæ предметæй чи райста, уыдон. Уый тыххæй хъусын кæнынц ахуырады хæрзхъæддзинадæн аргъ кæныны республикон центрæй. Истори æмæ физикæ сывæллæттæ лæвæрдтой 3 сахаты. Географи та – 2.
Фæлварæнты хатдзæгтæ ацы предметтæй сбæлвырд уыдзысты 25-æм июны онг. Йæ бæрæггæнæнтимæ разы чи нæ уа, уыдонæн дыууæ боны `мгъуыдмæ фадат уыдзæн апелляци бадæттынæн, бæрæггæнæнтæ цы бон сбæлвырд уой, уымæй нымайгæйæ.
