Йæ цардæй ахицæн Цæлыккаты Ахмӕт — советон æмæ азербайджайнаг скульптор. Йæ сабидуг арвыста Ногхъæуы. Æлыг æмæ дурæй ныв кæнын райдыдта, скъоламӕ нӕма цыд, афтӕ. Фондзаздзыдæй сарæзта йæ хæдзары фæлгонц агуыридуры къæрттытæй.
Цæлыккаты Ахмӕт йæ царды фылдæр хай арвыста Азербайджаны. Каст фæци Бакуйы Нывкæнынады училищæ, дарддæр ахуыр кодта Петербургы. Йæ куыстыты æвдыста адæмты хæлардзинад, сфæлдыстадæн географион æмæ националон арæнтæ кæй нæй. Иухуызон хорз ын æнтыст скæсæйнаг æмæ славяйнаг портреттæ кæнын. Алы хъайтарæн дæр-иу фыццаг йæ удыхъæд раргом кодта, æрмæст ын уый фæстæ арæзта дурын фæлгонц.
