Æнæнхъæлæджы уавæрты министрады пресс-службæйы хъусынгæнинагмæ гæсгæ Цæгат Ирыстоны 1 500 метрæй бæрзонддæр хæхты тæссаг у зæйтæ рацæуынæй. Ахæм боныхъæд ахæсдзæн райсоммæ. Уымæ гæсгæ æнæнхъæлæджы уавæрты министрады управленийы специалисттæ сидынц республикæйы цæрджытæм æмæ уазджытæм. Хъуамæ `ххæст кæной æдасдзинады домæнтæ, æнæхъуаджы къæдзæхты `рдæм ма цæуой.
Хæхты чи ис, уыдон хъуамæ сæ цæст дарой боныхъæды ивддзинæдтæм. Бафтаудзыстæм ма уый, æмæ боныхъæды аххосæй раздæр æхгæд æрцыд Транскамы фæндаг дæр. Байгом æй кодтой сабаты изæрæй, фæндаг митæй куы ссыгъдæг кодтой, уæд.
