Медицинон академийы уыд 61-æм кæронбæттæн наукон конференци «Время смотреть в будущее». Æрвылаз дæр мадзал свæййы æцæг наукон бæрæгбон. Йæ фæлгæты æрдзурынц медицинæимæ баст актуалон фарстатыл. Фармация, стоматологи, хирурги – æдæппæтæй 11 секцийы. Сæ наукон фæллæйттæ жюрийы уæгты размæ рахастой 300 студентæй фылдæр, куыд уæрæсейаг, афтæ фæсарæйнаг уæлдæр ахургæнæн уагдæттæй.
Сæдæгай ахайджытæ, амæй-ай цымыдисагдæр докладтæ. Уыдонæй иумæйӕгӕй сырæзт æцæг наукон марафон. Юнескойы залы фæсарæйнаг æвзæгты секцийы минæвæрттæ сты бирӕйӕ. Сæ фылдæр 1-2 курсы студенттæ, уыдоны хыгъды фæсарæйнаг бæстæты минæвæрттæ дæр. Кæсынц докладтæ куыд англисаг, афтæ немыцаг æвзæгтыл. Уаниаты Валерия конференцийы архайы фыццаг хатт. Бацæттæ кодта дохтыр æмæ рынчыны ‘хсæн ныхасыл ирон æвзаг куыд ахады, уый тыххæй куыст.
Дзæбæхгæнæн факультеты студенткæ Хестанты Екатеринæ та конференцийы архайы 5-æм хатт. Йæ наукон куыст рахаста секци «Внутренние болезни»-йы жюрийы размæ. Зæгъын хъæуы уый, æмæ йæ дыууæ азы дæргъы цæттæ кодта 6-æм курсы студент Коцты Асланимæ иумæ.
Аргъ та студентты наукон фæллæйттæн кæндзæн экспертон жюри. Хуыздæрты схорзæхджын кæндзысты фыццаг къæпхæны диплонмтæй.
Æдæппæтæй конференцийы секцитӕ уыдысты 11. Ацы мадзалмæ бацæттæ кодтой 300 студентетæй фылдæр, 29 – Уæрæсейы æмæ фæсарæнты уæлдæр ахуыргæнæн уагдæтты минæвæрттæ.
Æвзарæн кæпхæны сæрты ахызтызты 217 наукон-иртасæн куысты. Уыдонæй 122 куыстыл бакуыстой Медицинон академийы студенттæ. Хуыздæр куыстытæ систы сæрмагонд дипломты аккаг. Уыдон фидæны уыдзысты æххуыс студенттæн аспирантурæмæ бацæуынмæ.
