Беслæны уыд уæгъдибар хъæбысхæстæй республикон турнир. Ерыстæ сарæзтой Уæрæсейы сгуыхт тренертæ Дзæгъойты Рамазан æмæ Наниты Оледжы номыл. Сæ арæхстдзинад равдыстой 200 æрыгон лæппуйы 5 алыхуызон уæзы. Турнир фæцæуы æрвылаз 1994 азæй фæстæмæ.
Мадзал арæзт уыд Цæгат Ирыстоны спорт æмæ физикон культурæйы министрад, стæй Рахизфарсы районы администрацийы хъæппæрисæй. Уæлахиздзауты схорзæхджын кодтой майдантæ æмæ æхцайы премитæй.
