Национализм æмæ ксенофобиимæ баст цаутæ республикæйы ма `руадзыныл бон раздæр дзырдтой ахуырадон семинары рæстæг Дзæуджыхъæуы. Профилактикон мадзæлттæ республикæйы аразынц æххæстгæнæн хицауады кусджытæн. Семинары сæйраг хæс уыд – кусджыты профессионалон æмвæзад фæуæлдæр кæнын æмæ, экстремизмы ныхмæ куыд архайын хъæуы, уый раст æмбарын. Райсом та Цæгат Кавказы хæххон-металлургон институты уыдзæн «Национ æмæ дины бындурыл экстремизмы провокацитæ ма руадзыны профилактикæ». Ахуырадон-практикон конференцийы темæйыл бæстон æрдзурдзыстæм нæ абоны уазæгимæ. Нæ студимæ æрбахуыдтам Цæгат Ирыстоны национ ахастдзинæдты министрады дины куыстуæттæ æмæ экстремизмы ныхмæ куыст кæныны хайады сæргълæууæг – Цæллагты Артуры.
