Пенсимæ чи нæма рацыд, уыцы адæм бацархайдтой сæрмагонд федералон проекты

Пенсимæ чи нæма рацыд, уыцы адæмæн фæзынд фадат компьютерыл кусын бæстонæй базонын. Федералон проект «Старшее поколение»-йы фæлгæты ахуыртæ сарæзтой фыццаг къордæн. Уыдис дзы 50 адæймаджы. Ныртæккæ се ‘ппæт дæр сты ЭВМ-ы оператортæ. Ахуыртæ цыдысты 3 мæйы дæргъы Дзæуджыхъæуы разамынд дæттыны институты. Абон рауагъдонтæн кадджын уавæры радтой сæ атестаттæ. Уый фæдыл сын арфæйы ныхæстæ ракодта нæ республикæйы куыст дæттыны комитеты разамонæг Платы Альбинæ. Куыд загъта, афтæмæй сын куыст ссарынмæ баххуыс кæндзысты. Рауагъдонтæ дæр бузныджы ныхæстæ загътой, ног дæсныйад райсыны фадат сын кæй уыд, уый фæдыл.