Уæрæсейы гвардийы Цæгат Кавказы федералон зылды Цæгат Ирыстоны пъæлицæйы сæрмагонд къорды дæлхайæдты æфсæддонтæн сарæзтой ерыстæ. «Комгæрон»-ы ахуырадон центры полигоны чемпионаты хуыздæр суæвыныл архайдтой пъæлицæйы сæрмагонд къорды 80 службæгæнæджы. Æдæппæтæй 11 командæйы Кавказы алы къуымтæй.
Уæрæсейы гвардийы минæвæрттæ сæхи фæлвæрдтой хæцæнгарз æхсынæй, къуылымпыты сæрты хизынæй æмæ æндæрты. Ерысты руаджы сбæрæг уыдзæн æфсæддонты цæттæдзинад тохмæ. Турниры архайджытæ сæхи æнтыстджынæй равдыстой. Сæ къухы бафтыд хорз бæрæггæнæнтæ.
Чемпионаты уæлахиздзаутæ систы Уæрæсейы гвардийы Цæгат Ирыстоны пъæлицæйы сæрмагонд хайады кусджытæ. Дыккаг бынат бацахстой Стъараполы минæвæрттæ. Æртыккаг къæпхæны аккаг ссис Хъæрæсе-Черкесийы æфсæддон къорд. Уæлахиздзаутæ дарддæр архайдзысты æппæтуæрæсеон ерысты, сентябры.
