Владимир Путины уынаффæмæ гæсгæ Дзæуджыхъæуы кинотеатр «Комсомолец» сног кæндзысты. Уый тыххæй хъусын кæны информацион портал 15 Регион. Нæ бæстæйы президент Владимир Путин Уæрæсейы культурæйы министр Владимир Мединский æмæ Цæгат Ирыстоны сæргълæууæг Битарты Вячеславæн бабар кодта кинотеатры рацарæзты тыххæй сæ хъуыдытæ зæгъын.
Проект хъуамæ бацæттæ кæной 1-æм декабрмæ. Уæ зæрдыл уын æрлæууын кæндзыстæм, кинотеатр цы бæстыхайы ис, уый 1887 азы уыд Дзæуджыхъæуы цæрæг Александра Аксеновайы. Фæстæдæр æй хаццоны радта францусаг кинокомпани «Братья Пате»-йæн. Фæстæдæр кинотеатр схуыдтой «Горец». 17-æм апрелы 1935 азы кинотеатрæн радтой йæ абоны ном – «Комсомолец», зæгъгæ. Бафтаудзыстæм ма уый, æмæ кинотеатры цалцæггæн хъæуы 100 милуан сомы.
