Цæгат Ирыстоны Конституцион тæрхондон 2022-æм азы 1 январæй фæстæмæ нал кусдзæн. Закъоны проекты фарсыл рахæцыдысты Парламенты æмбырды. Уæрæсейы субъектты Конституцион тæрхондонты архайд урæд æрцæудзæн 2023-æм азы 1 январы.
Сæ аиуварс кæныныл регионтæ къæпхæнгай кусынц. Сæ бæсты, гæнæн ис, æмæ арæзт æрцæуой Конституцион Советтæ. Кусдзысты закъонæвæрæг оргæнты дæлбар. Депуттаттæ ма рахæцыдысты, коммуналон лæггæдтæ афойнадыл кæй нæ æххæст кæнынц, уый фæдыл ивар кæныны закъонпроектыл.
Дзуапдæттæг кусджыты æфхæрдзысты 5-æй 10 мин сомы онг. Юридикон бæрнондзинад кæмæ ис, уыдоны та 30-æй 50 мин сомы бæрц. Закъоны сæрты дыккаг хатт чи ахиза, уыдоны та фидын бахъæудзæн ноджы фылдæр.
