Ног азы бæрæгбон бацæттæ кодтой, йе ‘нæниздзинад хъæгдæрд кæмæн у, уыцы сывæллæтты реабилитацийы республикон центр «Доброе сердце»-йы сабитæн.
Фæсивæдмæ уазæгуаты æрбацыдысты Митын Дада æмæ Митæ. Сывæллæттæм æнхъæлмæ каст бæрæгбоны программæ. Зарыдысты заз бæласы алыварс, архайдтой конкурсты. Уымæй уæлдай ма сын сæ зæрдæтæ барухс кодтой адджын лæвæрттæй.
Мадзал аразæг — парти «Иугонд Уæрæсе»-йы регионалон хайад. Ног азы хъайтартимæ сабитæ фембæлдысты партийы проект «Крепкая семья»-йы фæлгæты.
