Онкологон диспансер зындзиндзинæдтæ кæй ‘ййафы хостæ исыны хъуыддаджы, уый тыххæй информаци фæзынд социалон хызæгты. Сергей Меняйлойы уынаффæмæ гæсгæ сбæрæг кодтой онкологийы къабазы куыст. Хостимæ фарстæ ныр ис бæстон цæстдард.
Онкологон диспансер кусы æрвылбоны фæткмæ гæсгæ. Пацциенттæн дыккæм уæладзыджы кабинеты дæттынц хъæугæ хостæ. Ацы сылгоймагæн йæ фыды ‘фсымæрмæ ис æвзæр низ. Хостæ дзæвгар рæстæг нæ райстой.
Санаты Мæдинæ онкологон диспансеры химион терапийæйы фæстæ йе ‘нæниздзинад хъæддых кæнынмæ, къуыри иу хатт æрбахоны йæ мады.
Дохтыртæ сæттынц, æййæфтой къуылымпыдзинæдтæ хостимæ. Фæлæ ныридæгæн уавæр хорзырдæм фæивта.
Респуликæйы æнæниздзинад хъахъхъæныны министрады ацы хъуыддагмæ бæстон æркæсдзысты. Специалисттæ куыд зæгъынц афтæмæй, хостимæ зындзинад ‘ййæфтой рæстæгмæ. Уый та ууыл дзурæг у, æмæ пациенттæ иууылдæр райсдзысты хъæугæ хостæ.
