Национ проектты фæлгæты социалон объектты арæзтады подрядисæг организацитæм цæстдард фæкарздæр уыдзæн. Ууыл дзырдтой радон аппаратон æмбырды. Цалдæр объектæн сæ куыстытæ фæткӕвӕрдӕй фæстейы аззадысты.
Республикæйы фæстаг рæстæг эпидимиологон уавæр хуыздæр кæнын райдыдта. Фæлæ уæддæр хъæуы хи хъахъхъæнын. Сергей Меняйло Æнæниздзинад хъахъхъæнынады министрад æмæ Уæрæсейы фæлхасгæнджытæм цæстдарды управленийæн бабар кодта рынчынты бæрцмæ лæмбынæг кæсын. Уымæй уæлдай ма регионы сæргълæууæг æрдомдта ацы къуыри райдайын хæстæгдæр æмæ дæрддзæф хъæуты цæрджыты диспансенризаци райдайын.
Æмбырды ма ныхас цыд, нацпроектты руаджы цы социалон объекттæ арæзт цæуынц, уыдоныл. 6 рæвдауæндоны куыстытæ фæткӕвӕрдӕй фæстейы зайынц. Сæ техникон цæттæдзинад у 20 проценты. Регионы разамонæджы ныхæстæм гæсгæ, æбæрнон куыстытæ æххæстгæнæг компанитæм карздæрæй æркæсын хъæуы. Уыимæ ма, саразын хъæуы æппæт куыстуæттимæ дæр иумæйаг æмбырд. Фембæлынвæнд кæнынц арæзтадон объекттæй иуы.
Æмбырды фæлгæты ма йæ архайджытæ æрзырдтой зæххыты фарстайыл. Сергей Меняйло бадомдта республикæйы хиисбонадмæ ногæй раздахын æнæ конкурсæй инвестицион проекттæ æххæст кæнынæн цы зæххытæ радтой,фæлæ сæ хæстæ кæй фæдыл не ххæс кæнынц,уыдон. Сæйраг нысан сбæрæг Дзæуджыхъæуы æмæ районты сæ æртыккаг цæсгæмттæн кæй радтой.
Хæстæгдæр рæстæг фидæны Хицауады структурæ дæр сбæлвырд уыдзæн. Цыппар бæрнады æрцæудзæн ивддзинæдтæ-цæрæнуæттæ-коммуналон хæдзарад, артаг æмæ энергетикæйы,арæзтад æмæ архитектурæйы,промышленность æмæ транспорты министрадты æмæ фæндаджы хæдзарады комитеты. Респуубликæйы сæргълæууæг фæнысан кодта, хъуамæ иуылдæр кусынмæ уой сæрæн.
Дзæуджыхъæуы цадтæ ссыгъдæг кæнынæн рахай кæндзысты 20 милуан сомы. Куыстытæ бакæндзысты Хетæгкаты Къостайы номыл централон парчы æмæ доны станцæйы ацы аз. Ныртæккæ цæттæ кæнынц æмбæлгæ гæххæтытæ. Æмбырды ма сбæрæг Цæгат Кавказы кинохроникæйы студи республикæйы хиисбонадмæ раттын. Сергей Меняйло бахæс кодта Исбонады Министрадæн куыстыты фæтк сбæлвырд кæнын, аивады министрадæн та хъуамæ бакуса студийы рæзты программæйыл бакусын.
