Республикæйы сæргълæууæг Сергей Меняйло фембæлд, сæрмагонд æфсæддон операцийы чи фæмард, уыцы хæстонты бинонтимæ. Мадзалы ма архайдта Цæгат Ирыстоны æфсæддон комиссары хæдивæг Абрил Абдуллаев. Сергей Меняйло хъæбатырты хæстæджытæн ракодта тæфæрфæс æмæ сын радта сæ хæрзиуджытæ. Æфсæддон хæс æххæстгæнгæйæ хъæбатырдзинад, ныфс æмæ удуæлдайдзинад кæй равдыстой, уый тыххæй (сæ амæлæты фæстæ) бæстæйы Президенты Указмæ гæсгæ хорзæхджынгонд æрцыдысты Лæгдзинады Орден, Жуковы номыл майдан, Суворовы номыл майдан, уыимæ ма Сыгъдæг Георгийы æмæ Георгийы Дзуары IV къæпхæны нысæнттæй. «Амæлæты фæстæ хæрзиуджытæ дæттын тынг зын у. Бузныг уын, æцæг патриотты кæй схъомыл кодтат, уый тыххæй. Уыдон мах сабыр царды тыххæй сæ цард нæ бавгъау кодтой. Рох никуы уыдзысты»-, загъта Сергей Меняйло.
