Республикæйы сæргълæууæг Сергей Меняйло абон фембæлд Уæрæсейы фехтованийы федерацийы президент Ильгар Мамедовимæ. Уый куыд бафиппайдта, афтæмæй Уæрæсейы чемпионат Дзæуджыхъæуы ацыд æнтыстджынæй. Трибунæтæ иу спортивон мадзæлтты рæстæг иууылдæр уыдысты дзаг. Уый та ууыл дзурæг у, æмæ республикæйы цæрджытæ, уæлдайдæр фæсивæд, стыр æргом здахынц ацы спорты хуызмæ. Цавæр рæзты гæнæнтæ йын ис, ууыл æрдзырдтой фембæлды архайджытæ.
Бæлвырддæр дзургæйæ, ныхас цыд ног нырыккон фадæттимæ фехтованийы зал кæнæ хибар комплекс нæ республикæйы саразыны тыххæй. Уыцы фарстайыл баныхас кодтой бакусын, республикæйы æмæ фехтованийы федерацийы гæнæнтæм æркæсгæйæ, стæй хицæн амалхъом адæймæгтæ æмæ паддзахады æмгуыстадыл æнцойгæнгæйæ.
