Штыбы æмæ Рождественская уынгты тигъыл асинты цалцæг фæуыдзæн афæдзы кæронмæ. Ныридæгæн зæронд уæлцъар систой. Къæпхæнтæ бетонæй ныффидар кодтой. Ныртæккæ аив кæнынц æддаг къул. Зæронд плитаты бæсты дзы сæвæрдзысты гранитæй конд æрмæджытæ. Асинты алфамбылай фæзындзæн кæрдæгфæз. Сæвæрдзысты рухсдæттæн цæджындзтæ дæр.
Æппæт куыстытæ дæр цæуынц “Благоустройство и озеленение” муниципалон программæмæ гæсгæ. Сæ иумæйаг аргъ у 20 милуан сомы. Дзæуджыхъæуы администрацимæ асинты тыххæй горæты цæрджытæ бирæ хæттыты хъаст кодтой. Арæзтад тæссаг уавæры рагæй уыд.
