Æрæфы районы, Фæрæскъæттæ хъæуы кæронмæ æрцæхæццæ сты Сыгъдæг Илиайы аргъуаны цалцæггæнæн куыстытæ. Уый тыххæй фехъусын кодта районы администрацийы сæргълæууæг Лæгкуты Омар.
Хæххон Дыгуры культурон нысаниуæг кæмæн ис, уыцы объекттæ нывыл кæнынц Аланийы аргъуыды 1100 азы юбилеймæ. Фæрæскъæтты цалцæг кодтой Илиайы аргъуан, чырыстон диныл хæст адæмæн уæлдай ахсджиаг у. Куыстытæ фесты, кодтой сæ Мæскуыйаг специалисттæ. Лæгкуты Омар куыд радзырдта, афтæмæй Къубмултæйы астæуккаг æнусты цы фидар самадтой, уый реставраци дихгонд у дыууæ азмæ.
Цæгат Ирыстоны хицауадимæ иумæ районы разамынд архайы куыст дарддæр дæр кæнын. 2021-2022-æм азты цы объекттæм базилдзысты, уыдоны пълан цæттæ кæнынц. Проектон-сметон гæххæттытæ конд сты, паддзахадон экспертизæ дæр райстой æмæ егъау бæрæгбонмæ объекттæ иуыылдæр уыдзысты цæттæ.
