Тагъд æххуысы клиникон рынчындоны фæзындзæн инфекцион ног корпус.
Уый тыххæй информацион портал «15 Регион»-æн фехъусын кодта нæ республикæйы арæзтад æмæ архитектурæйы министрады пресс-службæ. Ныридæгæн уал, дзуапдæттæг министрады куыд фæнысан кодтой, афтæмæй паддзахадон æлхæнинæгты сайты расидтысты 11,3 милуан сомы аргъæн проектыл бакусыны конкурс. Уыцы хъуыддæгтæ бакæнын хъæуы цыбыр рæстæгмæ, цæмæй 20 декабрмæ инфекцион хайад фæзына, уый тыххæй.
Министрады ма куыд фæнысан кодтой, афтæмæй, арæзтадæн æхцайы фæрæзтæй цас бахъæудзæн, уый сбæлвырд уыдзæн, проектон-сметон гæххæттытæ куы сцæттæ уой, уæд.
