Ныр та фæнысан кæндзыстæм статистикæйы бæрæггæнæнтæ. Æнæниздзинад хъахъхъæныны министрады фæстаг бæрæггæнæнтæм гæсгæ, ивгъуыд суткæмæ рынчындæттæм бахауд 90 адæймаджы.
Æдæппæтæй республикæйы стационарты ковидæй хи дзæбæх кæнынц 950 адæймаджы. Реанимацийы ис 83 пациенты. 26 улæфынц аппараты фæрцы.
Дзуапдæттæг министрады специалисттæ сидынц адæммæ, цæмæй, æнæмæнг, æххæст кæной санитарон домæнтæ. Дарой маскæтæ, пайда кæной антисептиктæй. Уыимæ ма специалисттæ адæмы зæрдыл лæууын кæнынц, низæй хи бахъахъхъæнæн ис вакцинацийы фæрцы.
