Кæсагуадзыны куыст нæ республикæйы фæхъомысджындæр иу æмæ æрдæг хаттæй фылдæр. Афæдзы фыццаг æрдæгмæ сырæзт 3 мин тоннæмæ. Уый тыххæй хъусын кæны республикæйы экономикон рæзты министрад. Къабаз æнтыстджынæй рæзы. Фыццаджыдæр, вазыгджын у кæсæгты хъæугæ хуызтæ рæзын кæнын – хъулон валергæсаг.
Компани «Остров Аквакультура» у нæ республикæйы стырдæртæй иу. 6 мæймæ скодта 6 мин тоннæйы кæсаг. Уым уал ныртæккæ скуыстой 100 ног донуаты кæсæгтæ уадзынæн. Ноджы уый бӕрц та ма хъуамæ саразой. Фæстаг дыууæ азмæ кæсаджы куысты рæзтæн радих кодтой 120 милуан сомы. Грантты ‘руаджы сарæзтой 22 ног кусæн бынаты. Уымæй уæлдай ма, 11 ног профилон куыстуатæн радтой субсидитæ.
Республикæйы кæсагуадзыны рæзтæн ма 2026-æм азмæ фæнд кæнынц валергæсаг рæзын кæныны селекцион центр дæр саразын. Уым цæттæ кæндзысты кæсаг уадзынӕн ӕрмӕг æрмæст нæ республикæйæн нæ, фæлæ Уæрæсейы хуссары субъекттæн сеппæтæн дæр. Афтæ ма ноджы скусын кодтой кæсаджы хойраг æмæ стурвосы холлаг цæттæгæнæн завод Беслæны.
