Цæгат Ирыстоны кæронмæ æрхæццæ, фæндаггон фæткмæ чи кæсы, уыцы æрыгон инспекторты ‘хсæн конкурс «Безопасное колесо», зæгъгæ. Фæархайынц дзы сывæллæттæ. Сæ кар 6 азæй 11 азы онг.
Конкурсы программæ дих кодта цалдæр къæпхæныл. Зæгъæм, скъоладзаутæ равдыстой, фæндаггон фæткы домæнтæ куыд зонынц, æмæ сæ куыд æххæст кæнынц, уый. Уымæй уæлдай ма æрыгон инспектортæ ерыс кодтой хуыздæр ныв æмæ хуыздæр æмдзæвгæ радзурыныл. Конкурсы фæуæлахиз Беслæны 8-æм скъолайы командæ. Æркасты фæлгæты ОМОН æмæ СОБРы кусджытæ сабитæн бацæттæ кодтой равдыст.
