Нæ бæстæйы 4 минмæ ‘ввахс адæймагӕн, се ‘нæниздзинады уавæрмæ гæсгæ, хъæуы уæлæмхасæн туг. Æмæ сӕм цæмæй афойнадыл хӕццӕ кӕна, уый тыххæй хъæуы фæстауæрц кӕнын. Донор суæвын зын нӕу, йæ нысаниуæг та — егъау. Бархионтæ-медиктæ Дзæуджыхъæуы скъоладзаутæн Тугдæттыны станцæйы бацæттæ кодтой экскурси. Радзырдтой, центры куыст куыд цæуы, уый тыххæй. Акци фыццаг хатт ацыд, фæлæ йæ фæнд кæнынц æрвылазон скæнын.
Туг раттыны размæ донор ацæуы цалдæр ахсджиаг къæпхæны. Процедурæ цæуы сæрмагонд фæткмæ гæсгæ. Абон домæнтимæ базонгæ сты 38 скъолайы ахуырдзаутæ. Сывæллæттæ хаст сты медиктæ-бархионты къордмæ. Хистæркъласонтæ куыд зæгъынц, афтæмæй медицинон уагдоны куыст цымыдисаг у.
11 скъоладзауæн экскурси бацæттæ кодтой хæрзаудæн хъуыддæгты марафоны фæлгæты. Ацыд фыццаг хатт.
Фæсивæдмæ бирæ фæрстытæ уыд. Куыд базыдтой, афтæмæй туг дæттын у пайда дӕр æмæ цымыдисаг дæр. Ахæм экскурситæ та хорзырдæм ахадынц адæймаджы миддунейыл.
