Цæгат Ирыстоны хицауады сæрдар Тускъаты Таймураз бæрæг кæны, республикæйы социалон æгъдауæй ахсджиаг чи сты, уыцы объекттæ. Радон хатт кæсы, арæзтадон куыстытæ куыд æххæстгонд цæуынц, уымæ.
Ныр йæ фæндаг акодта Мæздæджы районмæ. Уым фыццаг бабæрæг кодта Малгобек æмæ Сухотское хъæутæ. Аразынц дзы фелсырон-акушерон пункттæ. Куыстытæ ныртæккæ сæ тæмæны сты. Уый фæстæ та Тускъаты Таймураз абалц кæндзæн Виноградное хъæумæ. Уым та цалцæг кæнынц бынæттон скъола. Куыстытæм бавнæлдтой мæй размæ, фæуынвæнд сæ кæнынц сентябрмæ, ног ахуыры азы райдианмæ. Скъола сарæзтой 1957-æм азы. Аразджытæ куыд зæгъынц, афтæмæй бæстыхаймæ бæстонæй базилын хъæуы, уымæн æмæ иунæг хатт дæр цалцæггонд нæ уыд.
