Уæрæсейы 100 хуыздæр скъолайы федералон конкурсы уæлахиздзау ссис прогимназ «Эрудит»

Уæрæсейы 100 хуыздæр скъолайы федералон конкурсы уæлахиздзау ссис прогимназ «Эрудит». Санкт-Петербургы уыд 8-æм æппæтуæрæсеон ахуырадон форум. Мадзалы сæйраг нысан нырыккон скъолайы райрæзт æмæ аиуварсгæнинаг хъуыддæгтыл æрдзурын. Уыимæ ма скодтой хатдзæгтæ ацы конкурсæн. Прогимназ «Эрудит» рамбылдта «2019-æм азы хуыздæр прогимназ»-ы номинацийы. Схорзæхджын æй кодтой сыгъзæрин майдан æмæ дипломæй. Йæ разамонæг Фидараты Эммæйы та банымадтой хуыздæр директорыл. Фæнысан æй кодтой сыгъзæрин майданæй. Ахуыргæнæндоны къорд æмæ разамонæгæн арфæйы ныхæстæ ракодта республикæйы ахуырад æмæ наукæйы министр Людмилæ Башаринæ. Куыд бафиппайдта, афтæмæй къорд уæлахиздзаутæ систы сæ куыст бæстонæй кæй кæнынц. Ацы æркаст фыццаг хатт сарæзтой 2013-æм азы. Бафтаудзыстæм ма уый, 8-æм æппæтуæрæсеон ахуырадон форум аразт цæуы Федерацийы советы ахуырад, наукæ æмæ культурæйы комитет, Уæрæсейы Паддзахадон Думæ, бæстæйы ахуырад æмæ наукæйы министрады хъæппæрисæй.