Цæгат Ирыстоны дарддæр æххæстгонд цæуы маскæтæ дарыны фæтк. Уæлдай æргом здæхынц санитарон домæнтæ æххæст кæныны фæткмæ. Уæрæсейы фæлхасгæнджытæм цæстдарды управлени Дзæуджыхъæуы префектурæ æмæ Уæрæсейы гвардийы минæвæрттимæ иумæ ракæнынц алы бон дæр рейдтæ. Бæрæг кæнынц, бирæ адæм кæм вæййы, уыцы бынæтты санитарон домæнтæ куыд æххæстгонд цæуынц, уый. Куыд ацыд рейд, уый тыххæй нæ дарддæры æрмæг.
Ныр афæдзæй фылдæр æппæт бæстæйы цæрджытæн дæр маскæтæ дарыны фæтк у æнæмæнг хъуыддаг. Алы бон дæр Уæрæсейы фæлхасгæнджытæм цæстдарды управленийы эксперттæ кæнынц рейдтæ, бирæ адæм кæм вæййы, уыцы бынæтты. Сæйраг домæн у санитарон фæдзæхстытæ æххæст кæнын. Рейды рæстæг æрзылдысты нæ горæты дуканитыл.
Уæрæсейы фæлассгæнджытæм цæстдарды управленийы сæйраг домæнтæй иу у — æнæмæнг дарын дезинфекцигæнæн фæтк нысан кæныны журнал. Уымæй уæлдай ма, дуканиты æххæст кæнын хъæуы социалон дистанци, кусджытæн райсомæй æмæ боны дæргъы сæ буары тæвд барын. Бынæтты хъуамæ уой уæлдæф сыгъдæггæнæн бактерицидон гæрзтæ, дезинфекцигæнæнтæ, антисептиктæ, маскæтæ, перчаткæтæ.
Ахæм рейдтæ Уæрæсейы фæлхасгæнджытæм цæстдарды управлени Дзæуджыхъæуы префектурæ æмæ Уæрæсейы гвардийы минæвæрттимæ иумæ ракæнынц алы бон дæр. Æппынæдзух хъуыддагмæ сæ хъус кæй дарынц, уый фæрцы уавæр кæны хуыздæр. Управленийы сæйраг специалист Бязырты Дианæ куыд зæгъы, афтæмæй, цæрджытæ бæрнондæр цæстæй кæсын райдыдтой уавæрмæ.
Рейдтæ дарддæр цæудзысты нæ республикæйы фæндæгтыл, улæфæн бынæтты æмæ районты куыстуæтты. Маскæтæ дарыны домæн у æнæмæнг абоны онг æндæр.
