Ахӕстоны медицинон хай поликлиникӕйы хуызӕн чысыл у. Атмосферӕ дзы психологон ӕгъдауӕй ӕнцон нӕу — сындзтел, згъæрхызтæ ӕмӕ карз уаг. Рынчынтӕм ис æрвылбоны ӕркаст. Дохтыртӕ ам ӕххуыс кӕнынц сӕрмагонд уавӕрты — алы процедурӕ дӕр аразынц фидаргонд регламентмӕ гӕсгӕ.
Слестгӕнӕн изолятормӕ ног аххосджынгонд куы бахауы, уӕд ӕртӕ боны дӕргъы фæцæуы райдиан медицинон къамис. Специалисттӕ аргъ скӕнынц адæймаджы иумӕйаг ӕнӕниздзинадӕн. Æппынæдзухы низтӕ, уыимӕ вирусон инфекцитӕ хынцгӕйӕ, уынаффӕ хаст æрцӕуы, кӕцы камерӕмæ йæ арвитдзысты, уый тыххӕй.
Дарддӕр процедурон кабинет. Ам згъæрхызы сӕрты, конвоиры цур, кæнынц медицинон процедурæтæ. Флюрографи ӕмӕ рентгены кабинетты та ӕвӕрд ис нырыккон ифтонггарз. Уый фадат дӕтты низтӕ афоныл бӕрӕг кӕнынӕн ӕмӕ рынчынты уавӕрмӕ цӕст дарынӕн. Камерӕты чи ис, уыдонӕн — диспансеризаци алы афӕдзы ‘рдӕг дӕр.
Комады низтӕн хос ӕмӕ сӕ профилактикӕ дӕр — бынаты. Ӕппӕт куыстытӕ дӕр — стерилизаци ӕмӕ санитарон нормӕтӕ ӕххӕст кӕнгӕйӕ.
Хъантемыраты Альбинӕ ацы системӕйы афæдзы бæрц ис. Йӕ ныхӕстӕм гӕсгӕ, слестгӕнӕн изоляторы куысты спецификӕ хуымӕтӕг клиникӕйы исынӕй нӕ хицӕн кӕны — пайда кӕнынц уыцы иу дзӕбӕхгӕнӕн мадзӕлттӕ ӕмӕ ӕрмӕгӕй. Кабинеты хъӕугӕ ифтонггарз ис ӕмӕ фадат дӕтты æппæт процедурӕтӕ ӕххӕст кӕнынӕн дæр.
Кусæндоны спецификӕмӕ нӕ кӕсгӕйӕ, сӕйраг принциптӕ баззайынц ӕнӕивгӕйӕ. Дохтыртӕ сӕттынц: сӕ разы — ӕппӕты фыццаг адӕймаг. Хӕрзаудӕн ӕмӕ адæмуарзон ахасты аккаг алчидæр у, суанг, закъоны сӕрты чи ахызт, уый дӕр.
Сæрмагонд ахаст, профессионалон этикӕ ӕмӕ ӕххуыс афоныл — уголовон-ӕххӕстгӕнӕг системӕйы дохтырты куысты бындур.
