Сергей Меняйлойы разамндæй арæзт æрцыд аппаратон æмбырд

Донæй æххæстгæнæг республикон куыстуат Дзæуджыхъæуы къæвдадоны канализацитимæ баст фарстатæ иуварс кæнын райдыдта. Равзæрстой уавæр æппæты æвзæрдæр кæм вæййы 10 ахæм объекты. Уыдон сты Гæдиаты Цомахъы, Мæскуыйаг уынгтæ, базарадон центр “Викалинæ”-йы район, Архонкæмæ фæзилæны фæндаг, Марковы, Шмулевичы, Весенняя 15/1 хæдзар, Сабырдзинады проспект, Южныйы поселок, Æфсæддон городок. Уаццагтæй æхсæзы фæдыл мæйы кæронмæ рахæсдзысты уынаффæ. Уый тыххæй аппаратон æмбырды фехъусын кодта дзуапдæттæг куыстуаты генералон директор Хъараты Тимур. Ныхас цыд эпидемиологон уавæрыл. Ивгъуыд къуыри уыд сабыр. Уæрæсейы фæлхасгæнджытæм цæстдарды управленийы бæрæггæнæнтæм гæсгæ, COVID-19 ног рынчынтæ нæй. Сывæллæтты рæвдауæндæттæ, скъолатæ æмæ астæуккаг профессионалон ахуырады организацитæ кусынц фæткмæ гæсгæ, цæттæ кæнынц ахуырадон азы кæронмæ. 29 скъолайы райдыдта бындурон цалцæг. Сергей Меняйло ахуырад æмæ наукæйы министрадæн бабар кодта фылдæр æргом математикæ æмæ информатикæмæ аздахын. Бакусын математикæйæ фæссауонмæ скъола республикон физикон-математикон лицейы бындурыл байгом кæныныл.